Pozicioni: Thirrje për ‘Ekspert për Monitorim dhe Vlerësim’ në kuadër të projektit “Culture can Make it! Connecting the dots towards a more inclusive sector for young people!”
Vendi i punës: Tiranë me mundesi lëvizjeje në Vlorë, Shkodër dhe Elbasan
Shtrirja kohore e shërbimit: Janar 2025 – Dhjetor 2026 (deri në 90 ditë pune)
Afati i fundit i dorëzimit të aplikimit: 20 Janar 2025
Adresa për dorëzimin e aplikimit: Rruga Abdyl Frashëri, pall 11. shkalla 5, ap.4, Tiranë
Përshkrimi i projektit:
Projekti “Culture can Make it! Connecting the dots towards a more inclusive sector for young people!” synon të forcojë sektorin kulturor për të rinjtë, duke promovuar përfshirjen dhe qasjen e barabartë. Projekti zgjat nga janari 2025 deri në dhjetor 2026 dhe financohet nga Bashkimi Evropian.
Qëllimi i Ekspertizës
Eksperti për Monitorim dhe Vlerësim do të angazhohet për të monitoruar progresin e aktiviteteve të projektit, për të siguruar që ato janë në linjë me objektivat e planifikuara dhe për të dhënë rekomandime mbi përmirësimin e zbatimit të projektit. Eksperti do të angazhohet deri në 90 ditë pune përgjatë janar 2025 – dhjetor 2026 sipas një plani pune të dakordësuar paraprakisht.
Përshkrimi i detyrave
- Zhvillimi i Kornizës dhe Planit të Monitorimit: Hartimi i një kuadri të detajuar dhe plani monitorimit, duke siguruar që të gjithë indikatorët kyç të performancës të jenë të përfshirë dhe të monitorohen në mënyrë efektive.
- Monitorimi dhe Mbledhja e të Dhënave: Mbledhja, analiza dhe vlerësimi i progresit të projektit, si dhe identifikimi i problematikave që mund të kërkojnë ndërhyrje.
- Raportimi dhe Rekomandimet: Hartimi i raporteve të hollësishme mbi ecurinë e projektit, duke ofruar rekomandime të bazuara për përmirësim.
- Mbështetje në Monitorimin e Projekteve që do të zbatohen në kuadër të skemës së granteve në kuadër të këtij projekti: Sigurimi i përputhshmërishë së projekteve të mbështetura me grante me objektivat e përgjithshme të projektit dhe të thirrjes për aplikime për grante.
- Koordinimi me Ekipin e Projektit.
- Detyra të tjera të lidhura me monitorimin dhe vlerësimin, sipas nevojave të projektit.
Kualifikimet dhe Aftësitë e Kërkuara
- Diplomë e arsimit të lartë Master;
- Të paktën 3 vite përvojë pune në monitorim dhe vlerësim të projekteve;
- Njohuri shumë të mira mbi metodologjitë e monitorimit dhe vlerësimit;
- Aftësi të shkëlqyera analitike dhe raportimi;
- Eksperiencë e mëparshme me projekte të financuara nga BE apo organizata të tjera nderkombetare apo entitete të tjera;
- Njohuri shumë të mira të gjuhës angleze.
Dokumentacioni i Kërkuar
- Propozimi teknik
- CV;
- Letër interesi ku përshkruhet motivimi dhe eksperienca ne fushen e Monitorim-Vleresimit te projekteve;
- Kopje e dokumentit të identifikimit;
- Dëshmi penaliteti ose vetëdeklarim për statusin penal;
- Leter Referencë.
- Propozimi financiar
- Oferta financiare sipas formatit të ofertës.
Dorëzimi i Dokumentacionit
Dokumentacioni duhet të paraqitet në një zarf të mbyllur, të firmosur nga eksperti aplikues, me mbishkrimin: “Kontraktimi i një Eksperti të Jashtëm për Monitorim dhe Vlerësim në kuadër të projektit “Culture can Make it!”.
Brenda zarfit të jenë të vendosur dy zarfa të veçantë:
- Propozimi Teknik (zarfi 1)
- Propozimi Financiar (zarfi 2)
Metoda e Vlerësimit
Vlerësimi do të kryhet sipas kritereve të mëposhtme:
- Vlerësimi Teknik (50 pikë):
- Eksperiencë e mëparshme relevante me projekte të financuara nga BE apo organizata të tjera ndërkombëtare apo entitete të tjera në fushën e Monitorimit the Vlerësimit të projekteve (deri në 50 pikë)
- Vlerësimi Financiar (50 pikë):
- Oferta financiare (deri në 50 pikë, sipas balancës mes cilësisë/eksperiences dhe kostos)
Për më shumë informacion ose pyetje, ju lutemi kontaktoni në info@krk.al
